श्री सिध्द महालक्ष्मीच्या मुर्तिची प्राणप्रतिष्ठा व कलश रोहण सोहळा परमपुज्य संत विभूतिंचे शुभहस्ते व विविध मान्यवरांचे उपस्थितीत संपन्न झाला. दिनांक २७-०१-२०२३ रोजी परमपूज्य भास्करगिरी महाराज यांच्या हस्ते मूर्तीची विधिवत स्थापना करण्यात आली. या मंगल प्रसंगी कोल्हापूर येथून आणलेली देवीची ज्योत अखंडपणे मंदिरामध्ये सुरू आहे. मंदिरात दररोज काकड आरती, धूप आरती, महाआरती व शेजआरती करण्यात येते. मातेस दररोज मंत्राभिषेक केला जातो. मंदिरात येणाऱ्या भाविकांना तीर्थप्रसाद वितरित केले जाते. मातेस दररोज पुरणाचा नैवेद्य अर्पण केला जातो.
मंदिरात दररोज ५ ते १० हजार भक्त श्री महालक्ष्मीच्या दर्शनाचा लाभ घेतात. दर्शनाच्या वेळी भक्तांना अपार विश्वास आणि आत्मशांतीचा अनुभव येतो.
